U nwala Nganeavhutshilo ya Mufu (Obitshuwari): Tshivenda Grammar
Nganeavhutshilo ndi mini
I amba nga ha vhutshilo ha mufu. I katela ḓivhazwakale yawe na zwoṱhe zwa ndeme zwine zwa mu kwama. Nḓowelo ndi ya uri i ṅwalwa kha bambiri ḽa mbekanyamushumo ya ḓo vhalwa nga ḓuvha ḽa mbulungo kana ḽa tshihumbudzi. Nganeavhutshilo ya mufu i tea u vha nga nḓila i tevheleaho, itea u:
- Vha pfufhi na hone yo tou nanga fhedzi zwiga zwa ndeme
- Katela zwidodombedzwa zwa mabebo sa fhethu na datumu na vhabebi
- Vha na zwiṅwe zwiga zwa ndeme zwa mufu sa zwidodombedzwa nga ha pfunzo, u shela mulenzhe kha zwi kwamaho mveledziso ya lushaka na zwiṅwe-vho zwe mufu a kona u zwi swikelela a tshi kha ḓi tshila
- Fhedza nga u amba vhathu vho salaho (vhathu vha tsini fhedzi) na u mu khoda
Tsumbo ya nganeavhutshilo
Hambani Singo o bebwa nga ḽa 17 Ṱhangule 1965 ngei kha ḽa Tshimbupfe Hanani. Mufu ndi ṅwana wa vhuvhili wa Vho-Leah na Vho-Tshinanga Mbau. O thoma tshikolo phuraimari ya Hanani he a ḓo isa pfunzo dzawe phanḓa a phasa Gireidi ya 12 Sekondari ya Tshimbupfe. O ya Yunivesithi ya Venḓa he a phasa pfunzo dza vhudededzi.
vhudededzi.
O shuma Sekondari ya Shayandima u swika a tshi ri sia. O vha e muraḓo o khwaṱhaho wa siviki.
O sia mufumakadzi, vhana vhararu, vhabebi na khaladzi mbili.
Ri ḓo dzula ri tshi mu elelwa. Mphwambobvu ḽa masiavhula ḽi no ḽa mala a so ngo bikwa.
A eḓele nga mulalo.
